Lalaking nanakit ng Grab driver, nagsisisi na raw sa kaniyang ginawa, 'Umaasa ng areglo'

compiled photo from Trending Nationwide Facebook page (ctto)

Kamakailan ay naging viral sa social media ang pananakit at paninira ng sasakyan ng isang lalaki at iba pa nyang kasamahan sa isang Grab driver sa Quezon City.

Nagsimula ang pagtatalo ng lalaki at ng grab driver dahil umano sa iginigiit ng driver ang patakaran ng Grab tungkol sa pagkuha ng pasahero at kung ilan ang dapat na bilang nito.

Ang nasabing pagtatalo ay nauwi sa sakitan at paninipa ng sasakyan ng grab driver, hanggang sa naaresto na nga ang lalaking nanakit at ang kasamang babae nito.

Kasalukuyang nakakulong si Jan Jervi Mercado at ang girlfriend nitong si Rhea Sangil. Dahil sa pag-atake sa Grab driver na si Reynaldo Tugade. Nangyari ang pananakit sa Barangay Del Monte, Quezon City noong Lunes.

Kasong physical injury and malicious mischief ang isinampa laban kay Mercado, habang physical injury naman ang isinampa sa kaniyang girlfriend.

Ayon sa suspek, nagsisisi naman daw sya nangyari, ngunit, muli nyang iginiit na hndi siya ang nag-umpisa ng gulo.

Umaasa si Mercado, ang lalaking nanakit sa Grab driver at nanipa pa ng sasakyan na magkakaayos din sila ng biktima.

Gayunpaman, ayon kay Mercado, si Tugade ang nagsimula ng away. Nagalit lamang daw siya dahil tinulak siya ng Grab driver. Dagdag pa niya, dinuro at minura ni Tugade ang kanilang grupo.

"Prinovoke niya lang din ako na suntukin ko siya e," giit ni Mercado, at sya daw ay tinulak ni Tugade.

"Pinagduduro niya [ko] tapos pinagmumura niya yung mga kapatid ko, tsaka yung sasakay sa kaniya na mga babae, tiyahin ko, kaibigan ng girlfriend ko tsaka girlfriend ko," paliwanag ni Mercado.

Pero itinanggi naman ito ni Tugade at tinawag na sinungaling si Mercado tulad ng sinabi nito at nakuha sa video na isang Grab driver din daw siya.

Ngunit ayon sa panayan ng GMA news, pinagsisihan na umano ni Mercado ang nagawa niyang gulo.

"Hindi ko naman pinagmamalaki yun sir, pinagsisisihan ko din naman yun, kaya nga nandito ako ngayon sa loob e. Una pa lang mapagkumbaba na, moral lesson, yun lang sir."

Sa kabila nito, nanindigan ang Grab driver na hindi siya magpapaareglo sa kampo ng mga nanakit sa kanya.

"Huwag na niya akong aregluhin para ano, kasi 'pag nagsalita siya ng areglo-areglo, sisingilin kita nang hindi mo kayang bayaran." Sabi ng Grab driver.

Iginiit ni Tugade ang polisiya ng Grab sa passenger limit, at bilang pagsunod sa pamantayan sa kaligtasan ng mga car manufacturers, ang Grab Cars ay maaari lamang tumanggap ng hanggang sa 4 na pasahero, kasama sa bilang ang bata, at panglima sa bilang ang driver.

Source: KAMI