Basher ng anak ni Bossing at Pauleen, natakot sa demanda: Ako’y nagsisisi, taos pusong humihingi ng sorry

 


Naduwag ang isang netizen matapos magbanta ni Pauleen Luna na kanya itong kakasuhan dahil sa panglalait nito sa kanyang anak na si Talitha Maria Sotto.

Ayon sa ulat ng bandera inquirer, nagpadala ng private message si Pauleen sa nasabing basher para sabihing kanila itong kakasuhan ng “cyberbullying a minor.”

Talagang hindi pinalampas ng aktres ang panglalait ng netizen na ito sa anak nila ni bossing Vic Sotto.

Kamakailan lang ay nag-viral ang post ng Facebook page na @TRNDSmnl kung saan makikita ang palitan ng mensahe ni Pauleen sa Facebook user na si Patrich Walter L. Harris.

Base sa usapan, hindi nagustuhan ni Pauleen ang panglalait ni Harris kay baby Tali nang ire-post nito ang Father’s Day tribute noong June 21 mula sa Facebook page mismo ni Tali.

Sa nasabing larawan ay kalong ni Bossing ang anak na si Tali na pinintasan naman ng basher, sinundan ito ng screenshot ng unang private message ni Pauleen na sinagot ni Harris ng “Hello mars Pauleen. Kumusta ka?”

Binara naman ni Pauleen ang basher ng “Ay hindi po tayo magka mars [smiling with closed eyes emoji].” Sinagot naman ito netizen “Sorry naman.”

Banat naman ng aktres “We can take this up in court if you like. Or you can post a public apology to the innocent child you’ve been shaming.”

Ngunit ayon naman sa basher, mas gugustuhin umano pa niyang makulong kesa mag public apology.

Matapos ang sagutan ay tila natakot ang basher at humingi ng paumanhin sa kanyang mga sinabi.

“Ako ay taos pusong humihingi ng sorry sa inyong lahat. ako ay nagsisi sa mga nasabi kong mali sainyong lahat at sana tanggapin niyo. Ang taos pusong paghingi ko ng sorry.” Ayon dito

Ipinost din ng netizen ang reply ni Pauleen na” Thank you, Please think before you click next time. And always remember, wag man dadamay ng inosenteng bata.”

Post a Comment

0 Comments