Larawan mula sa official Facebook ni Sharon Cuneta |
Masakit pa rind
aw kay megastar Sharon Cuneta matapos umanong iwan ni Pangulong Rodrigo Duterte
sa ere ang kanyang kapatid Chet noong ito ay tumakbo bilang alkalde ng Pasay
City taong 2019.
Sa isang
Instagram post na tila inalis din, nagpahayag ng pagka dismaya si Sharon dahil
ang kampo ng kanyang kapatid ay hindi umano nakatanggap ng tulong mula sa
pangulo sa kabila ng pag kumbinsi nito na tumakbo si Chet.
“[H]E
HIMSELF ASKED & CONVINCED MY BROTHER TO RUN FOR MAYOR OF PASAY. MAY NARINIG
BA KAYO SA AKIN? WALA,” aniya
Sinabi pa
din ni Sharon na nagulat din sila nang eendorso din ni Duterte ang kampo ni Emi
Calixto-Rubiano, na siyang nanalo bilang mayor.
“Nasaktan
kami at ang mga anak ko. Nagkabaon-baon sa utang ang kapatid ko kasi wala naman
kaming nakuhang tulong. Tuwang-tuwa kami nung inenodrse siya ng Pangulo at ni
Inday Sara. Tapos nagulat kami pati ang kalaban niya ay inendorso rin. MAY
NARINIG BA KAYO SA AMIN KAHIT NASAKTAN KAMI? WALA,” ayon kay Sharon
Samantala,
aniya napuno na din siya sa mga atake ng taga suporta ni Pangulong Duterte dahil
sa pagiging outspoken ng kanyang anak na si Frankie Pangilinan.
Matatandaan
na nakatanggap ng banta si Frankie dahil sa kanyang pahayag tungkol sa
pangggahasa.
“AYOKO
MAKASAMA ANG MGA TULAD NINYONG WALANG AWA O PUSO. ILANG BESES NA KAMI NASAKTAN.
NAPAKASAMA KO NAMANG ASAWA AT INA PAG HINAYAAN KO PA NA MAGPATULOY YUNG NG ANO,
NAKA-SMILE LANG LAGI?” ayon pa sa Megastar
Naging emosyonal
din si Sharon sa isa niyang IG live kung saan inamin niyang lubhang apektado
ang kanyang pamilya matapos ang banta kay Frankie ng isang netizen.
Dito din
sinabi ng asawa ni senador Kiko Pangilinan na sana ay bumalik na ang pagiging
disente ng mga Filipino.
"Nakakatakot
na kasi... Ngayon lang ako naka-experience ng ganito." Aniya
"Pagkatapos
ng term ni Pangulong Duterte, sana talaga manalo si VP Leni kung tumakbo siya.
Baka sakaling bumalik ang pagka disente ng karamihan sa atin." Dagdag pa
ni Sharon
0 Comments