Para kay Senador Francis Kiko" Pangilinan hindi na
kailangang paalalahanan si Bise Presidente Leni Robredo na manahimik tungkol sa
mga kumpidensyal na impormasyon na may
kaugnayan sa giyera sa droga.
Sinabi ito ni Pangilinan nitong Lunes, Nobyembre 18 matapos
lumabas ang balitang nagbanta si Pangulong Rodrigo Duterte na tatanggalin si
Robredo bilang co-chairperson ng
Inter-Agency Committee on Anti-Illegal Drugs (ICAD) kung magbabahagi siya ng
impormasyon na maaaring maglagay ng pambansa seguridad sa peligro.
“Sinabi naman ni VP na hindi maaring isiwalat kung ano ang
confidential. Sa palagay ko hindi na sya kelangan pagsabihan pa,” ayon kay Pangilinan
Dagdag ng senador, ang Department of Interior and Local
Government ay hindi dapat mag duda tungkol sa pagbabahagi ng mga kumpidensyal
na impormasyon kay Robredo.
“Kung gusto nila magkaroon ng maayos na tulungan, pati
information, they should be able to share it,” ani Pangilinan
Ayon sa mga ulat, hiningi ni Robredo sa Philippine National
Police ang listahan ng mga target na high profile na targets sa drug war.
Gayunman, sinabi ng pulisya na susundin pa din nito ang
desisyon ng Philippine Drug Enforcement Agency (PDEA) sa bagay na ito.
Samantala, para naman kay Albay Rep . Edcel Lagman, hindi na
umano kailangan bantaan ng Pangulo si Robredo.
“Robredo knows only too well that ‘state secrets’ must not
be made public nor shared with unauthorized persons in order not to jeopardize
national security and she would treat classified information given to her as
confidential,” ayon kay Lagman
“But why should the narco list of high profile narcotics
traders and users as well as the records of those involved in extrajudicial
killings related to the brutal war on drugs be elevated to the status of ‘state
secrets’?” tanong ni Lagman, base sa balita mula sa Politiko.
Source: Politiko
0 Comments