Tatlong beses nang nagbahagi ng kanyang mapait na karanasan
ang aktres na si Ana Jalandoni sa kamay ng dating nobyo na si Kit Thompson.
Unang nag salita si Ana matapos maospital dahil sa pananakit
ni Kit noong Marso 28, 2022, sumunod naman nakapanayam siya ng mag asawang
Tintin at Julius Babao.
Ang pinaka-huling interview niya ay nito lang April 2 kasama
si Boy Abunda na pinalabas naman ng April 3 sa The Interviewer ng The Boy
Abunda Talk channel sa YouTube.
Mahirap ikwento ng paulit-ulit ang masasakit na pinag
daanana ni Ana kaya sana daw ay ito na ang huling beses niya itong iku-kwento.
Ramdam ng mga makakapanood ng panayam ang sakit ng hirap ng
pinagdadaanan ng Ana, napapahagulhol pa
ito ng iyak lalo nang sabihin niyang nawala na ang kumpiyansa niya sa kanyang
sarili.
“Wala na akong confidence sa sarili ko. Promise, Tito Boy,
nawala. Napapangitan ako sa sarili ko.
“Kapag tumitingin ako sa salamin, nakikita ko yung nangyari.
Parang nawala yung Ana…
"Ana na masayahin... friendly. Nawala yung kasiglahan
ko...nawala," kwento ni Ana habang umiiyak na parang bata kay Boy. *
Sa mga nakapanood ng video, marami ang nagsasabing kailangan
ni Kit ng professional help para matulungan sya sa kanyang pagiging bayolente
kung pagbabasehan ang mga sinalaysay ni Ana.
Ngunit bukod kay Kit, maaaring kailangan din ni Ana ng professional
help para matulungan siyang kalimutan ang kanyang masakit na pinagdaanan sa
kamay ng nobyo.
Sinabi ng aktres na sa kabila ng ginawa sa kanya ni Kit ay
mahal pa rin niya ito.
"Nung kinuha na siya ng mga pulis, pinoposasan na siya,
nakatingin lang ako sa kanya.
"Tapos nakatingin lang siya sa akin, umiiyak siya.
Parang gusto ko siyang habulin kasi mahal ko.
"Pero sinaktan niya ako, ang hirap. Gusto ko siyang
yakapin na parang ayoko siyang isama [ng mga pulis] na parang gusto ko.
"Nahihirapan ako nung time na yun, pero ang iniisip ko,
sarili ko." Pahayag ni Ana kay Boy
Ayon pa sa aktres, maaaring patawarin niya si Kit sa ginawa
nito sa kanya ngunit hindi na siya makikipag balikan pa sa aktor.
“In time, yes, pero hindi makikipagbalikan. Hindi ko alam
kung magbabago siya.
“Kahit masakit yung ginawa niya sa akin, pero naiintindihan
ko pa rin siya.
"Buo ang loob, kailangan pagbayaran niya yung ginawa
niya sa akin. Hindi makatao, e.” Aniya
0 Comments