Amerikano Senador kay De Lima: "will never stop supporting your fight for human rights in the Philippines"

Richard Durbin at Leila De Lima | Larawan mula sa Philstar

Tiniyak ng isang Amerikano senador na may mataas na posisyon sa United States Senate ang patuloy na suporta kay Senador Leila de Lima ng halos apat na taon nang tinatawag niyang “unjust and politically-motivated” detention.

Sa isang tweet noong katapusan ng linggo, sinabi ng Demokratikong Senador na si Richard Durbin mula sa Illinois na hindi ito titigil sa pagsuporta kay De Lima.

“will never stop supporting your fight for human rights in the Philippines.” Ayon sa senador

Ang Amerikanong mambabatas ay pangatlong pinakamataas na rango bilang miyembro ng Senate Majority.

Si Durbin, kasama ang mga kapwa senador na sina Patrick Leahy at Edward Markey, ay inatasan na bawal na pumasok sa Pilipinas kasunod ng kanilang apela para sa agarang pagpapalaya kay De Lima.

Si De Lima ay nakakulong dahil sa kasong may kinalaman sa pinagbabawal na gamot. Siya ay isa din sa mga kritiko ni Pangulong Rodrigo Duterte.

Ang tweet ni Durbin na nangangako ng suporta para kay De Lima ay bilang tugon sa post sa Twitter noong huli noong Enero 26 ni De Lima na bumati naman kina Durbin at Leahy sa pagkakaluklok ng mga ito sa pwesto sa Senado.

“May you continue to champion human rights as you embark in the next chapter of your country’s journey,”ayon sa naunang tweet ni De Lima

“Thank you, [Sen. De Lima]…And as the four year anniversary of your unjust & politically-motivated arrest approaches, I want to assure you that I will never stop supporting your fight for human rights in the Philippines,” tugon naman ni Durbin

Matatandaang si Durbin at Leahy ang nagpakilala ng isang amendment sa 2020 State and Foreign Operations Appropriations Bill na naghahangad na ipagbawal ang pagpasok ng mga opisyal ng Pilipinas sa US.