Teenager na labis mag-vape, may baga na pang-70 anyos, dahil sa misteryosong sakit

Adam Hergenreder (R) compiled photo from CNN and Vaping360 (ctto)

Usong-uso ngayon ang pagve-vape o ang electronic cigarette na tinatawag lalung-lalo na sa mga kabataan di lamang sa ating bansa maging sa iba’t-ibang parte ng mundo.

Marami ang nahuhumaling dito dahil bukod sa inaakalang mas ligtas ito kesa sa tunay na sigarilyo, ay mayroon pa itong iba’t-ibang flavor na masarap langhapin.

Isa na rito ay ang 18 taong gulang na si Adam Hergenreder mula sa Amerika, na dahil sa kanyang vape o e-cigarette na syang muntik ng maging dahilan ng kanyang  kamatayan.

Dahil sa paggamit nya ng vape, ang kanyang baga bilang isang teenager, ngayon ay parang baga na ng isang 70-anyos na matanda.

Hindi siya makapaniwala sa naging epekto nito sa kanyang katawan dahil mahigit isang taon pa lamang niya itong ginagamit ay ganito na kalala ang naging epekto sa kanyang kalusugan.

Ayon sa ulat ng CNN, sa loob lamang ng mahigit isang taon na paggamit ng vape ni Adam, ang baga niya ngayon ay parang baga na ng isang 70-anyos na matanda ayon sa mga doktor.

Napag-alaman nila ito matapos siyang ma-ospital at nakita ang epekto ng vape sa kanyang katawan. Hirap syang huminga at halos hindi makakilos.

Isa lamang si Adam sa mahigit isang daang biktima ng paggamit ng vape sa USA, na hanggang sa ngayon ay hindi pa mapangalanan ang misteryosong sakit na ito.

Labis na nakakabahala ito dahil sa mabilis na pagtaas ng bilang ng mga kabataang tinatamaan ng sakit na ito dahil sa labis na paggamit ng vape. May naitala ng anim na namatay dulot ng sakit na nakukuha sa vaping.

At nakakalungkot isipin na maraming kabataan ang nag-akalang mas ligtas gamitin ang vape kaysa sa aktwal na sigarilyo.

Ayon pa kay Adam, mas napaparami ang pagkonsumo niya nito araw-araw dahil sa malayo ang lasa nito kaysa sa sigarilyo dahil sa mga flavors nito.

Nagsimula lamang ang kanyang karamdaman sa panginginig, pananakit ng sikmura at labis na pagsuka, at tumagal ito ng tatlong araw bago siya nagpakonsulta sa doktor.

Agad sumailalim sa x-ray si Adam, at ayon sa mga doktor base sa x-ray, makikita na, 'full damage' na ang kanyang mga baga.

Buti na lamang at nagpasya nang magkonsulta sa doktor ang mga magulang ni Adam at Kung hindi pa ito nadala agad sa ospital, ay pwedeng bumigay na talaga sana ang baga nito at kanyang ikamatay.

Sa ngayon, patuloy pa rin ang kanyang pagpapagaling si Adam at patuloy niyang binabahagi ang kanyang karanasan upang magsilbing aral na rin ito lalo na sa mga vape users at mga naninigarilyo.

Ayon sa isang pag-aaral na nailathala sa “The Journal of the American College of Cardiology” noong Mayo, nadiskubre na ang mga flavors ng e-cigarette ay nakakasira ng mga cells sa ating mga ugat. 

Binabago rin nito ang blood flow sa ating katawan na syang may masamang epekto kahit na sa mga malulusog na tao gaya ni Adam, ayon sa isa pang pag-aaral na naipublished sa “the Journal Radiology”.

Source: KAMI