Lacson tells Duterte: 'Wag mo naman ipangalandakan na mahina tayo!'

(L-R) Senator Panfilo Lacson and President Rodrigo Duterte (ctto)

Matapos mag komento ni Senator Ping Lacson na nakaka “disappoint at heartbreaking” ang naging statement ng Pangulo tungkol sa Recto Bank incident, muling nagsalita ang senador.

Sa isang hiwalay na TV interview, nanawagan si Lacson kay Pangulong Rodrigo Duterte na huwag ipangalandakan ang kahinaan ng bansa.

“It's bad enough that we're weak but don't advertise that we're weak. Magtira ka naman ng konting baraha. (Leave some cards),”  Ani Lacson sa kanyang interview sa CNN.

Bagamat sang ayon siya kay Vice President Leni Robredo na dapat managot ang mga responsible sa Recto Bank incident, hindi naman pabor si Lacson na I”extradite” ang mga Tsinong mangingisda.

Ayon kay Lacson, naniniwala siya na nagsasabi ng totoo ang 22 mangingisda na nakasakay sa bangkang pangisda na nabangga umano ng Chinese vessel nitong June 9.

Para sa senador, consistent ang mga naging statement ng mga mangingisda kahit saang angulo tingnan.

Saad din ni Lacson, maaring magkaroon ng Senate probe tungkol sa collision incident na ito sa 18^th Congress kapag nakapaghain ng resolution para dito.

Sa isang pahayag ni Robredo nitong Linggo, sinabi niya na dapat humarap sa mga pagdinig sa korte 

ng Pilipinas ang Chinese crew.

“We strongly urge the Department of Foreign Affairs to demand from the Chinese government to find those responsible and recognize Philippine jurisdiction, so they can face trial before our courts,” aniya

Kinondena rin niya ang gobyerno na dapat daw ay nagtatanggol sa dignidad ng bansa at bawat Pilipino.

“This is the time where we expect our leaders to be true to their oath and speak, act, and do what is needed to defend the dignity of our nation, and every Filipino,” giit ni Robredo

Source: Philstar