Para kay Senador
Ping Lacson, kam*tayan man ng isang miyembro ng New People’s Army o sundalo ay
nakakalungkot pa ring isipin sapagka’t parehong Pilipino.
Ito ang naging
pahayag ng senador sa ikatlong pagdinig sa Senado patungkol sa red-tagging umano
ng military sa mga indibidwal.
“As far as
we are concerned, a dead NPA rebel or a dead soldier is only as bad and tragic
as a dead Filipino. For we see no difference at all except probably the cause
that they fought and died for,” ayon sa senador
Nagbigay ng
pahayag si Lacson matapos iparating ng Pangulo ng Senado na si Vicente Sotto
III ang "pinakamalalim na pakikiramay at simpatiya" ng Senado kay
Bayan Muna Rep Cullamat para sa pagkawala ng kanyang anak na si Jevilyn.
Nasawi si
Jevilyn matapos ang sagupaan ng tropa ng gobyerno at mga rebeldeng NPA sa
Mindanao noong katapusan ng Linggo.
Bago ang
pagdinig sa hinihinalang red-tagging ng mga opisyal ng militar, nagpahayag ng
pakikiramay ang Senado kay Bayan Muna Rep. Eufemia Cullamat para sa pagkamatay
ng kanyang anak na babae.
“On behalf
of the Senate, I’d like to express our deepest condolences and sympathy to
Bayan Muna Rep. Cullamat for the loss of her daughter Jevilyn,” ani Senate
President Vicente Sotto III
“Our thoughts
and prayers are with you and your entire family. May your beautiful memories
sustain and bring comfort to you during this difficult time,” dagdag ng
mambabatas
Ayon sa
Philippine Army, si Jevilyn, na diumano’y nagsisilbing manggagamot para sa NPA,
ay napatay sa pakikipag-engkwentro sa Philippine Army’s 3rd Special Forces
Battalion (3SFBn) noong Nobyembre 28.
Samantala,
para naman kay Cullamat, bilang isang ina ay ipinagmamalaki niya si Jevilyn na
sumali sa NPA dahil umano sa patuloy na pang aabuso ng military sa mga lumad.
0 Comments