Naging laman ng social media
ang Kapuso actress na si Jennylyn Mercado dahil sa mga matatapang na banat nito
hinggil sa mga social at political issues sa ating bansa lalo na ang pagpuna
nito sa mga aksyon ng gobyerno hinggil sa pandemya.
Nagpahayag ito sa kanyang
Twitter pagkadismaya, at kanyang pinuna ang mga bumabatikos sa mga taonggusto
lamang magpahayag ng kanilang saloobin hinggil sa nakikita nilang sitwasyon sa
kasalukuyan.
Ang Kapuso star ay naging
subject din ng mga bashers sa mga nagdaang linggo, sa kanyang paglabas ng mga
komento sa iba’t-ibang mga issues kabilang ang pagtugon ng gobyerno sa
pandemyang corona virus, maging ang ilang isyung political, pagsasara ng ABS-CBN
at ang nagdaang State of the Nation Address ng Pangulong Duterte.
Naging palaban ito sa
pagsagot sa kanyang mga followers at kinukwestyon ang kanyang pagiging walang
tigil na pagsagot sa mga isyung political.
“The
moment you hinder someone from speaking their mind to is the moment you failed
to respect the rights of your fellow Filipino,” kanyang pahayag sa Twitter.
Nagsimula sa industriya ng
showbiz si Jennylyn Mercado taong 2003, kanyang sinagot ang isang netizen sa
tanong na kung may qualification ba paglalabas ng hinaing tungkol sa mga iba’t-ibang
isyu ng bansa.
“May qualification ba dapat bago ka magkaro'n ng karapatan na
magkomento sa mga isyung panlipunan? Hindi ba sapat na mamayan ka ng Pilipinas
at nagbabayad ka ng buwis? Bakit kung kailan pandemya na lahat tayo ay apektado
saka ang iba ay pilit na pinatatahimik?” ani Mercado
“Naguguluhan na ako. Bakit parang nakalimutan ng ibang tao
irespeto ang iba kahit iba ang opinyon nila? Hindi ba 'yun ang isa sa mga unang
tinuturo ng ating mga magulang?” dagdag pa nito.
0 Comments