Ina ni Jang Lucero, dumulog na kay Erwin Tulfo para humingi ng tulong

Larawan mula sa Facebook at YouTube

Dumulog na sa programa ni Erwin Tulfo para humingi ng tulong ang ina ng napaslang na lady driver sa Laguna na si Jang Lucero.

Ayon sa ina ni Jang, nais niyang isama sa imbestigasyon ang karelasyon ng anak na si Meyah Amatorio matapos niyang makita ang mga larawan na may pasa si Jang gawa ng kanyang kasintahan.

Sinabi ni nanay Angela na nananhimik umano ang kapulisan ukol sa kaso ng kanyang anak kaya siya ay lumapit na sa tanggapan ni Erwin Tulfo.

“Kasi hanggang ngayon wala pa ako linaw sa kaso doon. Kahit sinong magulang, sakit. Hustisya tlaga ang ano ko…na makapag ano sa kung sino pumatay sa kanya.”

Nanawagan din ang ina ng lady driver na huwag hayaang makalabas ng bansa si Meyah dahil may posibilidad na ito ay sangkot sa krimen.

“May nagsabi sa akin…nagsusumbong sa akin na sinasaktan sya sa likod…Yung sa akin lang, hindi pwedeng mawala siya, kasi siya ang unang unang imbestigahan bakit nangyari na pinatay ang anak ko.“ ayon kay nanay Angela.

Kamakailan lang ay lumabas sa social media ang mga screenshot conversation ni Jang sa isang kaibigan kung saan siya ang nagsusumbong ng kanilang naging away ni Meyah.

Base sa kwento ni Jang sa kaibigan, nakitulog umano ang isang kaibigan na si Thea sa bahay nila ni Meyah, sa Taguig. Ngunit tila hindi naging maganda ang naging nito sa magkasintahan at naging sanhi pa Ito umano ang kanilang pag-aaway at naging dahilan para lumayas si Jang ng sandal sa poder ng kasintahan.

Sa naturang conversation din, nabanggit ni Jang na hindi na siya umano masaya sa kanilang relasyon ni Meyah.

Pinakita rin ni Jang na may pasa ito sa braso at mayroon din daw siya sa kanyang likuran na di niya makuhanan kaya naman tinanong ng kanyang kaibigan kung bakit bumalik pa rin siya sa bahay ng kasintahan.

Samantala, sa panayaman ni Tulfo kay Meyah ay mariin nitong itinanggi na siya ay may kinalaman sa nangyari.

Hindi rin umano totoo ang lumabas na balitang nagtatago na siya at nagbabalak na pumunta sa bansa. Aniya, kung gagawin niya yun, parang pinatunayan niya lang na may kasalanan siya sa pagkamatay ni Jang.

Samantala, agad namang inaksiyonan ni Tulfo ang hiling ng ina ni Jang na huwag hayaang makalabas ng bansa si Meyah.

Sa isang panayam ay kinausap ni Erwin Tulfo ang acting spokesperson ng Bureau of Immigration na si Melvin Mabulac. Gayunpaman, maari lamang nilang maharang ang paglabas nito kung ipinag-utos ng korte.