Mocha Uson, Robin Padilla nag rally bilang suporta sa mga dating empleyado ng ABS CBN



Larawan mula sa Twitter ni Mocha Uson




Isang grupo ng mga dating empleyado ng ABS CBN ang naiulat na nais magpatulong sa gobyerno para sa kanilang reklamo laban sa kanilang dating kumpanya.

Ang mga dating kawani ng Kapamilya network ay dumulog sa tanggapan ni Labor Secretary Silvestre Bello III para talakayin ang kanilang reklamo kasama sina Overseas Workers Welfare Administration deputy administrator Mocha Uson at ng actor na si Robin Padilla.



Ayon sa isang Facebook post ng Mocha Uson blog,  sinamahan nila ni Robin ang mga dating mangagawa ng ABS CBN upang magpakita ng suporta sa kanilang laban.

“Former ABSCBN employees nakipag meeting kay Sec Bello. Naandun din si Mr. ROBIN PADILLA upang sumuporta sa mga empleyado,” ayon sa caption.

Kamakailan ay nag viral sa social media ang post ng dating empleyado ng ABS CBN na si Christopher Mendoza. Kinuwestyon niya ang mga artista ngayon na pilit isinasangkalan ang mga manggagawa para maisalaba ang media outlet.



Ayon, kay Mendoza, ano ang pinagkaiba nila sa mga manggagawa ngayon. Sila nga daw ay bigla nalang tinanggal ng media giant.

Sumunod dito, nagsalita rin si John Paul Panizales, dati ring mangagawa ng ABS CBN, na isa sa mga naki protesta sa ABS-CBN Internal Job Market (IJM) Workers Union na nagreklamo sa maling labor praktis ng kumpanya.

Sinabi din ni Panizales na hindi niya naramdaman na isa siyang kapamilya, may time pa nga daw na muntik na niyang ikamatay ang kanyang trabaho pero tinanggal pa sya.


“Okay lang naman ma renew ang franchise ng Kapamilya! Pero sana lingunin naman nila ang mga maliliit na manggagawa na labis na nagpapakahirap magkaron lang sila ng mga magagandang shows!" 

"Sana alagaan naman nila at mahalin na parang isang totoong Kapamilya ang mga manggagawang halos binubuhos na ang buhay para sa serbisyo sa kanila!" ayon pa kay Panizales

Post a Comment

0 Comments