Mayor Isko, namigay ng tig-isang sakong bigas para sa mga driver, idiniliber pa sa kanilang mga bahay

Mayor Francisco “Isko” Moreno Domagoso/photo courtesy of Mayor Isko Facebook page

Pansamantalang Ipinatupad ang lockdown sa buong Luzon upang mabawasan o mapababa ang pagkalat ng COVID-19 virus.

Dahil sa krisis na dulot ng nasabing virus, marami sa ating mga kababayan ang pansamantalang natigil sa paghahanap-buhay.

Lubhang apektado dito ay ang mga kababayan nating manggagawa na umaasa sa arawang kita upang may maipangtawid sa kanilang mg pamilya.

Kaya naman naisip ng butihing mayor ng Maynila na si Mayor Francisco “Isko” Moreno Domagoso, na personal na ihatid sa bahay ng mga driver ang tig-isang sakong bigas para sa kanilang rasyon pagkain.

Ayon kay Mayor Isko, idiniliber na sa mga bahay ng mga tricycle driver ,jeepney driver , e-trike driver, pedicab driver ang mga bigas para naman hindi na sila lumabas ng kani-kanilang bahay.

Ginawa ni Yorme ang nasabing na hakbang para hindi na mamasada at lumabas ng kanilang mga bahay ang mga driver upang makaiwas sa panganib na dala ng COVID-19.

Dagdag pa nito, lahat ng tulong na manggagaling sa lokal na pamahalaan ay diretsong ihahatid sa bahay-bahay ng mga taga Maynila.

Ang kada sako na ipinamimigay ay tumitimbang ng 25kilos bawat isa.