 |
| Pastor Apollo Quiboloy ng KOJC / larawan mula sa Philstar |
Walang nagawa
ang kapangyarihan o “power” ni Pastor Apollo Quiboloy matapos arestuhin ang
tatlong miyembro ng Kingdom of Jesus Christ, The Name Above Every Name (KOJC) sa
magkahiwalay na raid na isinagawa ng Federal Bureau of Investigation (FBI) sa
Glandale, Van Nuys at Los Angeles sa California, USA.
Si Quiboloy
na sinasabing may kakayahang magpa hinto ng lindol o bagyo, ay ang founder ng nasabing
simbahan o ng KOJC.
Naiulat din
na umabot sa 20 milyong dolyar ang halaga ng umano’y na solicit ng simbahan ni
Quiboloy mula 2014 hanggang 2019.
“Bank
record shows that KOJC accounts received approximately $20 million in cash
deposit from 2014 through mid-2019 and most of these funds appear to derive
from street level solicitation,” ayon sa affidavit.
Kinilala
naman ang mga nadakip na sina Marissa Duenas, 41-anyos, Amanda Estopare 48 at
Guia Cabactulan 59.
Matagal na
umanong naka monitor sa FBI ang naturang grupo ng miyembro ni Quiboloy matapos
makatanggap ng impormasyon na kaugnay sa human trafficking.
Ayon sa mga
ulat, nagsimula umanong magpadala ng mga miyembro ang KOJC sa Amerika noong
2013 para sa musical event na gaganapin ngunit pagdating umano sa naturang
bansa ay ginagawa silang volunteer para manghingi o mag solicit ng pera para sa
mga mahihirap na kabataan sa Pilipinas.
Sinasabing
kinukuha ang mga pasaporte ng volunteers ng pamunuan ng KOJC at binibigyan ng
quota kung magkano ang kailangan nilang maipon sa isang araw.
Nag pepeke rin
daw ng mga dokumento ang mga miyembro ng KOJC para makapag stay ng matagal ang
mga nagiging biktima. Pati mga dokumento ng kasal at enrollment form sa paaralan
ay kasamang ginagawan nila ng paraan para maging ligal ang pag stay sa Amerika
ng kanilang mga volunteer.
Samantala,
ang mga perang nakakalap ng mga miyembro ay ginagamit umano ng mga opisyal at
galamay ng KOJC para makapamuhay ng marangya at maginhawa.
Nakatakda umanong
humarap sa korte ang mga suspek ngayong araw January 31, 2020.
0 Comments