Alert level 4 na! Bulkang Taal, patuloy ang pag aalburuto; mga residente agad nang pinalilikas

Larawa ng nag aalburotong Taal volcano kanina hapon / mga larawan mula sa Facebook

Itinaas na sa alert level 4 ang isla ng Taal sa Batangas na itinuring nang Permanent Danger Zone at mahigpit nang ipinagbabawal ang magpunta rito.

Kaninang 11 a.m. ay nagkaroon ng phreatic eruption o maliit na pagsabog sa palibot ng bulking taal at mabilis na umakyat ang alert level status sa area nito dahil sa ash fall.

Pinalilikas na rin ang mga residente na malapit sa bulkan lalo na residente lalo na mula sa barangay Agoncillo sa Talisay, Batangas.

Ayon sa update ng Philippine Institute of Volcanology and Seismology (PHIVOLCS-DOST) sa pamamagitan ng kanilang Facebook page, nasa alert level 4 na ang status ng ilang lugar sa Batangas dahil sa kapal ng ash fall.

Sa naunang update ng Philvocs kaninang 4 p.m., sinabing posible nang may magmatic intrusion nang nagaganap, dahilan upang anumang oras ay maari na itong sumabog.

Marami nang mga larawan at video ang kumalat sa social media na kuha ng mga netizens na nakasaksi sa pangyayaring ito, lalo na ang mga nasa Tagaytay.

Kitang kita pa ang pagguhit ng kidlat habang nag aalboroto ang Taal, na binahagi ni Gevie Egerasa ng Philippine Star.

Samantala, agad naming nakapag handa ang lokal na pamahalaan ng Batangas para sa anumang susunod na posibleng maging aktibidad ng bulkan.