A life for a life: Locsin wants head of Kuwaiti woman who murdered Filipina maid

Foreign Affairs Secretary Teodoro Locsin Jr. / File/Malacañang Photo



Nais ni Foreign Affairs Secretary Teodoro "Teddyboy" Locsin Jr ang hustisya para sa Pilipinang sinasabing pinatay ng asawa ng kanyang employer sa Kuwait, ayon sa ulat ng Politiko.

Sinabi ng Department of Foreign Affairs (DFA) sa isang pahayag nitong Martes (Disyembre 31) na pinatawag umano ni Locsin ang Ambassador ng Kuwaiti na si Musaed Saleh Ahmad Althwaikh upang maiparating ang pagkagalit ng pamahalaan ng Pilipinas sa nangyari sa biktima.



“She bashed her head. So I want the head of the employer’s wife who murdered their Filipina maid,” ayon sa DFA chief

Sa isang hiwalay na tweet, sinabi ni Locsin na ang pagkakaibigan sa pagitan ng Pilipinas at Kuwait ay nakasalalay sa hustisya na ibibigay para sa biktima na hindi pa kinilala.

“The friendship between your country which gives our people the jobs they cannot find at home and our people whose faithful service make the life of your people easier depends on justice being done the murdered maid. An eye for an eye, a life for a life,” ani Locsin



Sa naunang pahayag, sinabi ng DFA na ang Embahada ng Pilipinas sa Kuwait ay nakikipag-ugnayan nang mabuti sa mga awtoridad ng Kuwaiti upang matiyak na maihahatid ang katarungan.

Sinabi din ng ahensya na pipilitin nitong magkaroon ng complete transparency sa imbestigasyon ng kaso at nanawagan ng mabilis na pag-uusig sa mga nasa likod ng pagpatay sa Pilipinang biktima.

Ayon dn sa ahensya, ang nangyaring ito ay lumalabag sa diwa ng kasunduan na nilagdaan noong Mayo 2018 sa pagitang ng Kuwait at Pilipinas na naglalayong maisulong at maprotektahan ang kapakanan ng mga manggagawang Pilipino.



Post a Comment

0 Comments