Manny Pacquiao sa pagpapasara ng ABS CBN: "Kung kailangang ipasara, isara"

Senator Manny Pacquiao at building ng network giant na ABS CBN (ctto)

Sa isang panayam noong Sabado (Disyembre 7) kay Senador Manny Pacquiao sa radio, sinabi niyang kailangang aralin ng maigi ang pag rerenew ng franchise ng ABS CBN.

“Aaralin nating mabuti ‘yan kasi marami ring ikukunsidera na mawawalan ng trabaho. So pag-aralan nating mabuti,” ayon sa senador

“Kung kailangang ipasara, isara. Kung ‘di naman nararapat, we can suggest to the President,” dagdag pa ni Pacquiao

Ayon din sa boxing champ na naging senador, na may posibilidad na hindi makapag renew ang higanteng network kung mapapatunayan na ito ay nakagawa ng paglabag sa permit nito upang mapatakbo.

“Pwede nating ikunsidera dahil unang-una, kung may ginawa ang [ABS-CBN] na ‘di nararapat, eh ‘di ipasara. Pero ikunsidera rin ang libo-libong taong mawawalan ng trabaho,” ayon kay Pacquiao

Nauna nang nagsampa si Senate President Pro Tempore Ralph Recto ng panukalang batas para makapag renew uli ang ABS CBN, ngunit ito ay nakatakdang mag expire sa Marso 2020.

Gayunpaman, hindi rin ito maaring talakayin ng Senado kung walang maipapasang batas ang House of Representatives na pareho sa panukalang batas sa ikatlo at pang huling pag basa.

Paulit-ulit na nag banta si Pangulong Rodrigo Duterte na haharangin niya ang renewal ng network giant na ABS CBN.

“Ang inyong franchise mag-end next year. If you are expecting na ma-renew ‘yan, I’m sorry. You’re out. I will see to it that you’re out,” ayon sa Pangulo

Inakusahan ng Pangulo ang media giant na hindi nito ipinalabas ang kanyang campaign ad noong 2016.

Inihayag din niya na ang ABS-CBN ay nagpalabas ng anunsiyo ni Senador Antonio Trillanes na nagpapakita ng mga batang artista kung saan ay tinawag na mamamtay tao si Duterte.

Source: Politiko