 |
| President Rodrigo Duterte / photo from Philstar |
Inilahad ng Manila Water na pinamumunuan ng mga Ayala noong
MIyerkules na nagpasya itong huwag nang singilin ng bilyun-bilyong refund ang
gobyerno upang mapahupa ang galit ni Pangulong Rodrigo Duterte.
“It’s unfortunate po na nagalit ang Pangulo. Hindi po namin
pagnanasa na magbigay ng problema sa Pangulo,” ayon kay Manila Water
Corporation President and CEO Jose Almendras sa isang Senate hearing para sa
planong lumikha ng kagawaran ng tubig.
"Ayaw po naming kalabanin ang Pangulong Rodrigo
Duterte. Mabuti po ang ginagawa niya para sa taong bayan at sumusuporta po
kami. Humihingi po kami ng paumanhin kung nagalit siya dahil sa arbitral
ruling,
Kaya po namin inatras yung
arbitral ruling dahil nagsalita
na po ang Pangulo na hindi nya gusto ‘to. At kami po ay nakakaintindi at marunong naman po
kaming makaintindi kaya ho kami nagpasya na hindi na itutuloy,” anito
Ayon pa kay Almendras, hindi nila nais na bigyan ng problema
si Duterte, at nag paliwanag na ang kaso ay isinampa noong 2015 pa, sa ilalim
ng nakaraang administrasyon.
Dagdag nito, wala umanong paraan para pigilan ang desisyon
ng arbitral tribunal.
Kamakailan lang ay inutusan ng arbitration court ang gobyerno
ng Pilipinas na bayaran ang kumpanya ng ₱ 7.4 bilyon na pagkalugi dahil sap ag tanggi
sa pagtaas ng rate sa tubig, isang desisyon na dumating tatlong taon pagkatapos
ng panalo ng Maynilad sa arbitral.
Dahil dito, sinabi ng Pangulo na aalisin ang dalawang
utility firms, at nagbanta din ito na idedemanda ang mga kumpanyang ito pati na
ang mga dating opisyal ng pamahalaan dahil sa mga mapang dayang kontrata.
0 Comments