 |
| President Rodrigo Duterte on Friday (Dec. 20, 2019) |
Bilang
bahagi ng plano na putulin ang bureaucratic red tape sa gobyerno, inatasan ni
Pangulong Rodrigo Duterte noong Biyernes ang mga opisina ng gobyerno na tapusin ang
lahat ng mga transaksyon sa loob lamang ng oras.
Ang bagong
directive na ito ng pangulo ay lumabas isang buwan matapos ang kanyang binigay
na ultimatum na dapat kumpletuhin na ang mga papeles ng mga tanggapan ng gobyerno
sa kalagitnaan ng December.
Binigyang
diin ni Duterte na hindi na niya papayagan ang mga empleyado ng gobyerno na pahabain
ang mga proseso para makapangikil pa sa mga tao.
“I’m warning again the
bureaucracy. Dito man ang mga secretary, madali man nila (Cabinet secretaries
are here and they can act on it). I do not want papers to be acted by days. I
want it by hours,” ayon sa pahayag ng pangulo sa isang seremonya
sa National ROTC Summit at ang kauna-unahang Presidential Silent Drill
Competition sa Quirino Grandstand sa Maynila.
“If you are a director, do
not hang on it. Huwag mong upuan ‘yan kasi pabalik-balikin mo ang tao hanggang
bumigay ng pera (Do not sit on it and let the public spend too much time going
back and forth until they are forced to give you money),” dagdag ng Pangulo
Isa sa reklamo ng pangulo
ang napaka bagal na proseso sa pagkuha ng mga permit at iba pang dokumento na
gumugugol ng maraming oras.
Noong November 22, sinabi na
ni Duterte na nais niyang apusin ng lahat ng tanggapan ng gobyerno ang kanilang
mga nakabinbing transaksiyon sa Disyembre 15 ngayong taon.
Sa ika-44 na pulong ng
Gabinete noong Disyembre 2, inaprubahan ni Duterte ang panukala na i-streamline
at i-automate ang mga proseso ng mga ahensya ng gobyerno upang mapag-buti pa
ang klima ng negosyo sa bansa.
Gayunpaman, hindi siya nag-banggit
sa kanyang pinakabagong pananalita kung sinusunod ba ang kanyang direktiba.
Nitong June 2019, hiningi
ng Pangulo ang pagpapalabas ng isang executive order na mag-streamline ng mga
proseso ng gobyerno at magtatakda ng isang timetable sa paglabas ng mga
pampublikong dokumento sa ilalim ng mga sangay ng ehekutibo.
Source: PNA
0 Comments