Agot binara si Bato: 'Konting respeto kay VP Leni, mas mataas posisyon nya!'


Actress Agot Isidro and Senator Bato Dela Rosa / file photo from Inquirer and Philstar



Pinuna ng aktres na si Agot Isidro si Sen. Ronald “Bato” dela Rosa dahil sa pagbibigay ng huli ng “unsolicited advice” umano kay Bise Presidente Leni Robredo, kung paano ang gagawin nito sa kanyang bagong role bilang co-chair sa drug war.

Ayon sa kanyang post sa Twitter, pinaalalahanan ni Isidro si Dela Rosa na mas mataas ang posisyon o ranggo ng Bise Presidente kaysa isang senador.



“Reminder Mr. Dela Rosa: VP > Senator. Konting respeto sa pananalita,” ayon kay Isidro.

Naunang nang nagbigay ng payo si Dela Rosa kay Robredo huwag daw maghanap ng pondo ang huli at gamitin lang kung anong meron.

“Kung ano meron dyan, gamitin mo na. Huwag ka na munang maghanap ng kung ano-ano pang iba pondo dyan.” Ani Bato



Si Robredo, ang bagong itinalagang co-chairperson ng Inter-Agency Committee on Anti-Illegal Drugs (ICAD) ni Pangulong Duterte.

Si Isidro, isang matatag na kritiko ng administrasyong Duterte, paunang pinayuhan si Robredo sa pamamagitan ng Twitter post din na huwag tanggapin ang position dahil si Duterte ang gumawa ng “kalat”.


“Kung ako si VP Leni, di ko yan papatulan. Sasabihin ko lang… Ikaw ang nangako. Ikaw ang nagkalat. Ikaw ang maglinis,” ani Agot sa naunang tweet


Source: Abante





Post a Comment

0 Comments