OFW pinagmulta ng Dh300 o ₱4,000 dahil naka-idlip sa Dubai Metro



Jair Ugto / photo courtesy of the Filipino Times



Kamakailan, Isang Overseas Filipino Worker (OFW) sa Dubai ang nakapagmulta ng Dh300 o nasa ₱4,000 dahil lamang sa pag-idlip habang nag-aabang ng tren.

Napabalita ng isang reporter ng the Filipino Times na si Neil Bie, nakita ang OFW na si Mr. Jair Ugto sa CCTV ng Dubai Metro na natutulog.



At sa di inaasahang pangyayari, agad siyang nilapitan at ginising ng guwardiya, at pinagmulta ng nabanggit na halaga.

Ayon kay Jair, Lingid sa kanyang kaalaman na ipinagbabawal pala sa Dubi Metro ang matulog. 
Aniya dala lamang ng matinding pagod, kaya napapikit at napaidlip siya.

“Naka-idlip ako dahil sobrang pagod sa trabaho. First time pong nangyari sa akin to,”  kwento pa ni Ugto sa isang panayam.



Dagdag pa ng OFW, mahigpit pala ang seguridad sa lugar at aktibo bente-kwatro oras, pati na rin ang nagmomonitor nito sa CCTV.

Nais ni Jair na maging babala raw sana ang kanyang karanasan sa mga kapwa niya OFW sa Dubai at laging sumunod sa panuntunan ng Dubai Metro, upang maiwasan ang multa na may kalakihan ang halaga.

“Wag matulog habang nasa metro dahil online sila sa CCTV,” paalala ni Ugto sa kapwa pinoy sa Dubai.


Isang freelance stylist si Jair Ugto sa United Arab Emirates, at walong taon nang nagta-trabaho roon, ngayon lamang nya nalaman na bawal pala ang matulog sa Dubai Metro.


Source: KAMI


Post a Comment

0 Comments