Kilalanin ang basketbolistang si Justin Rieta na isa sa persons of interest sa Dacera case

 

Nagpunta na sa tanggapan ng National Bureau of Investigation si Justin Rieta, ang basketbolistang nadawit sa pagkasawi ng flight attendant na si Christine Dacera, 23, noong January 1, 2021.

Nakaladkad ang pangalan ni Rieta dahil isa ito sa mga naka checked-in sa Room 2207 ng City Garden Grand Hotel sa Makati kung saan nagpabalik balik si Dacera noong araw bago ito nasawi.

Si Dacera at ang mga kaibigan nitong gay ay nanatili naman sa Room 2209 upang salubungin ang pagpasok ng bagong taon.

Maliban sa flight attendant, mapapansin din sa kuha ng CCTV na labas-masok din ang mga kaibigan nito sa Room 2207.

Si Dacera na natagpuan na wala nang malay sa bath tub kinaumagahan at hindi na nagising pa. Siya idineklarang dead on arrival sa ospital na pinagdalhan sa kanya.

Sino nga ba si Rieta na isa sa persons of interest sa kaso ni Dacera?

Ayon sa isang ulat ng Remate, kakaunti lang ang nakakakilala umano kay Rieta sa mundo ng basketball maliban sa mga madalas nitong nakakalaro sa mga liga.

Mayroong pa umanong nagsabi na nag try-out din ito sa National University Bulldogs noong panahon ni former coach Eric Altamirano bago mag-enroll sa Polytechnic University of the Philippines.

Isa din daw sa mga nilaruang koponan ni Rieta sa mga liga ay ang CAL Autoworks kung saan ay isa sya sa mahuhusay na manlalaro.

Nang magtungo ito sa NBI kasama ang kanyang abogado ay tinanggi nitong may naganap na foul play at wala din umano siyang napansin na kahina-hinala nang makasama nila ang grupo nila Dacera.

“Hindi ako naniniwalang may naganap na krimen noong January 1 at wala rin akong kilala kahit sino sa grupo ni Dacera o maging si Dacera na nasa Room 2209,” anito

Ayon pa sa mga naging teammates ni Rieta, mahilig tlaga ito sa basketball at masipag din sumali sa mga pa liga.

“Mabait na tao ‘yan. Hindi dahil sa kilala ko siya, pero walang angal ‘yan sa court,” ayon umano sa kaibigan nito

“Legit na ball is life ‘yan. Sa isang araw, lalo na kapag mga Sunday, apat o limang laro ang pinupuntahan at lalaruan niya,” kwento pa ng teammate ni Rieta