Photo from ABS CBN
Nais ni
senadora Risa Hontiveros na makagawa ang Senado ng mabusising pag-audit sa
operasyon ng Bases Conversion and Development Authority (BCDA) at ang pagpapagamit
nito ng pondo sa AFP.
Dahil dito
inihain ni Hontiveros ang Senate Resolution No. 520 para makapagsagawa ng
imbestigasyon sa tulong ng batas upang masuri ang paggamit ng Armed Forces of
the Philippines (AFP) sa remittances ng BCDA para sa modernisasyon ng
sandatahang lakas.
Sinabi ni
Hontiveros na marami umanong katanungan tungkol sa ginawang tulong ng BCDA sa
sandatahang lakas.
Aniya, nararapat
lang din na tiyakin na may sapat na pondo upang siguruhin ang modernisasyon ng
AFP dahil sa panloob at panlabas na banta sa seguridad ng bansa.
“Ngayong
patuloy ang banta ng terorismo at ang pang-gigipit ng China, kailangan natin
siguraduhin na may sapat na pondo para sa modernisasyon ng ating sandatahang
lakas,” ayon sa pahayag ng mambabatas nitong Huwebes
“We need to
conduct a comprehensive audit of the proceeds from BCDA’s operations over the
years, to determine whether the AFP has been receiving its rightful share of such
proceeds to finance its modernization projects,”dagdag pa niya
Samantala,
naunang ibinunyag ni General Gilbert Gapay, ang chairman ng Joint Chiefs of the
AFP, na nabigo ang BCDA na mag-remit sa AFP ng P13.2 billion, na alinsunod sa
Bases Conversion and Development Act.
Bagay na
itinanggi naman ng BCDA at sinabing ang pondo ay hawak lamang ng Bureau of
Treasury at maaaring ilabas kung ito ay kakailanganin.
Dahil sa
magkaibang sinasabi ng magkabilang kampo, nais ni Hontiveros na magkalinawan.
“Nasaan na
ba talaga ang P13.2 billion na hinihingi ng AFP?” aniya
Binanggit
din ni Hontiveros ang naging ulat ng Commission on Audit noong 2017 kung saan
wala umanong nakuha ang AFP mula sa BCDA.
“Ang bawat
piso na hindi naibibigay sa modernisasyon ng AFP ay naglalagay sa buong bansa
sa alanganin,” ayon pa kay Hontiveros
0 Comments