'Nakakapasok 'yung kasamaan at kaaway': Quiapo Church priest urges faithful to 'wake up'



Photo from ABS CBN and PNA


Hinimok ni Rev. Fr. Douglas Badong, ang vicar ng Quiapo Church, ang mga deboto ng simbahan na “gumising na” at magkaroon ng kamalayan sa mga kawalang katarungan na nangyayari sa lipunan.

Sa kanyang homily nitong Linggo ay binasa ni Badong ang pastoral letter ng Catholic Bishops' Conference of the Philippines' na patungkol sa Anti-Terrorism Act of 2020 na kamakailan lamang na naisabatas.



Matapos basahin ang liham, ipinaliwanag ni Badong na ang Diyos ay hindi gumawa ng anumang masama, ngunit ang kasamaan ay umiiral dahil ang mga kaaway ay umaatake kapag natutulog ang mga mabubuti.

"Habang natutulog ang mga tao, pumuslit ang kaaway at naghasik din ng masamang damo," aniya

"Habang natutulog ang mga tao. Ibig sabihin, hindi alerto 'yung mga tao. Nakakapasok 'yung kasamaan. Nakakapasok 'yung kaaway," dagdag pa ni Badong

Para kay Badong, maraming masamang bagay ang nangyayari sa lipunan ngayon dahil masyadong abala ang mga tao para ito ay mapansin.



"Bakit maraming gumagawa ng masama kahit sa panahon ng COVID? Bakit maraming nagsasamantala? Bakit maraming corrupt? 'Yung mga ayuda, hindi nakakarating sa mga dapat. 

Nakakapasok ang kaaway kasi tayo, masyado tayong focused doon sa virus. O kaya naman, masyado tayong focused doon sa naku, nawalan ka ng trabaho, wala nang pagkain, umiiyak na 'yung anak mo," ayon sa kanya

"So habang 'yung isipan mo punong puno ng alalahanin, 'yung kaaway, sumisimple," dagdag ni Badong

Hinikayat ni Badong ang mga deboto na mag salita at makialam sa mga nangyayari.



"Bakit ganito ang nararanasan natin? Kasi tutulog-tulog tayo. Ayaw din kasi nating magsalita. Ayaw din nating makialam. Ayaw din natin kasing makisangkot," ani Badong

"Habang tayo, abalang abala sa pag-iisip, saan ako mag-aapply ngayon, nagsara ang kumpanya mo, habang abala tayo saan tayo pipila para makakuha ng relief. Biruin mo, ang daming bagong batas pala na naipasa nila na hindi natin alam," dagdag pa ng pari

Sinabi rin niya na ang karamihan ay hindi nagmamalasakit sa bagong batas laban sa terorismo hanggang sa tuwiran silang maging apektado dito.

"Hindi natin mararamdaman ito ngayon. Katulad noong mga buhay pa noong 1972, noong panahon ng martial law, hindi ninyo naramdaman hangga't hindi kayo ang nahuhuli, hangga't hindi kayo ang naakusahan," ani Badong


"May panahon pa. Kailangan lang talaga natin talagang gumising," dagdag niya






Post a Comment

0 Comments