 |
| Melai Cantiveros | Larawan mula sa Twitter |
May mensahe
ng pasasalamat at suporta ang komedyanang si Melai Cantiveros para sa may-ari ng
ABS CBN pati na sa mga executives ng Kapamilya Network na nakipaglaban para sa mga
empleyado ng estasyon.
Ayon kay
Melai, abot-langit ang kanyang paghanga at respeto sa kanyang mga amo dahil sa
kabila daw ng panghihiya sa mga ito sa maraming hearings sa Kongreso ay kalmado
at mahinahon sila sa pagharap sa mga tao.
“Maraming
salamat po sa aming mga bosses na naging boses namin sa pakikipaglaban sa
pag-renew ng aming franchise.
“Di kami
magsasawa na magpasalamat sa inyo. Binastos man kayo, nanatili kayong mabubuti
at marangal. Ngayon ko naintindihan bakit kayo naging boss namin,” ayon kay Melai
Sa kanyang Instagram
post ay napa throw-back din ang komedyana kung saan kanyang inalala ang
kabaitan umano ni Gabby Lopez mula pa noong manalo siya sa Pinoy Big Brother.
“Naalala ko
nung kapapanalo namin sa PBB. After namin manalo sabi ni Sir Gabby na di namin
makakalimutan mag-asawa, ‘Jason, Melai sabihin niyo lang sa akin kung may
problema kayo ha?*
“Ako bahala
sa inyo, okay? Enjoy kayo being Kapamilya,'” pagbabahagi ni Melai
“Sobraaa,
naramdaman agad namin noon na Kapamilya kami at may-ari pa ng ABS ang kumausap
sa amin na ganon. Napatunayan ko na mabait talaga mga boss namin.
“So much
respect po sa inyo, patuloy ang aming dasal at pananalig na mababalik natin
ito. Mahal namin kayo,” dagdag pa niya
Tinawag din
niyang “selfless” ang ABS CBN matapos nitong mag donate ng mga tent and shower
van sa Manila International Airport Authority (MIAA) para magamit ng mga
na-stranded na pasahero sa Ninoy Aquino International Airport Terminal 3.
“Pagising
mo ito agad bumungad na balita sa’yo (pertaining to the MIAA donations), napaka
selfless.” Aniya sa caption ng isang article
0 Comments