May magandang
paliwanag ang award-winning actress na si Alessandra de Rossi kung bakit hindi
siya sumasama sa mga rally or protesta para sa ABS CBN.
Sumagot si
Alessandra matapos siyang tanungin ng isang netizen kung bakit puro panalangin
lang ang kanyang mga post sa Twitter imbes na sumali sa mga rally.
“Bakit ikaw
Alessandra, puro ka lang panalangin sa Twitter hindi ka naman sumasali sa rally
para lumaban para sa mga Pilipino?” ayon sa isang Twitter user
Sagot naman
naman ng aktres: “May COVID. Maawa ka. At saka hindi ako okay (mentally) ‘pag
madaming tao. Birthday nga, ‘di ako umaattend, rally pa?”
“Ako pa ba?
Kaya nga madami nag-iisip na maldita ako dahil ‘pag tama ako, ‘di ako takot
magsabi ng totoo at magmukhang mali.
“Pero ‘yung
COVID ay wala akong X-ray vision para dyan. ‘Yung totoo, takot ako dyan. Wala
akong planong makausap sya ng personal at wala akong planong matalo dyan,”
May nagsabi
din na duwag lang daw siyang magpakita nang personal sa ABS CBN rally.
“I pray you
look beyond your personal opinions na ‘di porket mas matapang ang isa ay takot
na ang isa. Baka iba ang kinatatakutan niya.
“Ako sure
na, COVID first, tapusin ko lang ‘to at baka ito ang tumapos sa akin,” ang sagot
naman ni Alex.
Aniya, iba-iba
ng kinalakihan ang bawat isa at tiyak ding siya’s mapapagalitan ng kanyang ina.
“Feeling ko
kung nasa ‘Pinas ang nanay ko babatukan ako nun kung lumabas ako. Iba-iba tayo
ng kinalakihan, iba-iba tayo ng laban.
“Walang
mali sa umattend ng rally dahil may gusto sila ilaban. Walang mali sa gusto
palipasin muna to be sure. Isa lang kalaban ngayon at hindi ako ‘yun.” aniya
Giit pa ng
aktres, ang kanyang unang layunin sa ngayon ay malampasan ang pandemyang ito nang
buhay.
“Wala akong
pagsisisihan if my only goal is to stay alive and do only what I can. Dahil ‘di
ko pa tapos bayaran insurance ko para may makuha @ermatsko pag nadeadz ako.
“Wala naman
akong savings, ni pang ospital wala. Ang importante ngayon… mabuhay tayo. So,
Twitter na lang.” ani Alex
0 Comments