 |
| File photo from Spot ph |
Matapang na ipinag tanggol ni Ethel Booba si Pasig City
Mayor Vico Sotto laban sa mga pagpuna ni Overseas Workers Welfare
Administration deputy executive director Mocha Uson sa alkalde.
Pinuna ni Mocha si Mayor Vico matapos nito payagan ang mga tricycle
sa mga lansangan sa kabila ng patuloy na pagbabawal sa pampublikong
transportasyon dahil sa enhanced community quarantine.
Ni-retweet ni Booba noong Huwebes (Marso 19) ang post ng
isang follower niya sa Twitter na nagsasabing may ginawa na namang katangahan
umano si Mocha.
Ang tweet o post ay
may kasamang screenshot ng post ni Mocha mula sa kanyang Facebook page kung
saan ay kanyang pinuna si Vico dahil sa pagpapahintulot nito sa paggamit ng mga
tricycle.
Sa isang post naman ni Banat By, na admin ng Mocha Uson Blog
ay tinawag na “pabebe” ang mayor ng Pasig.
Kaya sumagot naman dito si Booba ng: “Okay na sa
pabebe kesa sa pabobo. Social media distancing talaga kailangan nila. Charot!”
Sa kasunod na tweet naman, hindi na napigilan ni Booba ang
kanyang galit sa mga bashers ni Vico na karamihan ay supporters ng Duterte
administration.
“Mauuna pa gamot sa corona virus kesa sa tanga kaya di ka na
gagaling pa. Si Mayor Vico Sotto nga ang binabash nila dahil sa suggestion nito
at magandang ginagawa sa Pasig City. Explain mo samin ang Local Government Unit
at Non-Government Organization. Charot!” ayon pa kay Booba.
0 Comments