 |
| Larawan ni Pangulong Rodrigo Duterte at US Sen. Edward Markey mula sa Panay News |
Isa sa mga Senador na nagsulong na i-ban ang pagpasok sa
US ng mga opisyal na Filipino na may kinalaman sa pagpapakulong kay Senador
Leila De Lima ay hindi umano natatakot sa “strongman tactics” ni Pangulong
Rodrigo Duterte.
Ayon kay Democratic Sen. Edward Markey, hindi umano
siya mapapatahimik ni Duterte matapos ang utos nitong huwag papasukin ang mga US
senators na nagsulong ng probisyon para kay De Lima.
“President Duterte is sorely mistaken if he thinks he
can silence my voice and that of my colleagues,” ayon sa pahayag ng US senator
mula sa Massachusetts.
“He has already failed to silence Senator De Lima,
Maria Ressa and others in his country who have spoken truth to power,” dagdag ni
Markey
“I stand with the people of the Philippines and with
my state’s vibrant Filipino-American community in fighting for the highest
democratic ideals and against the strongman tactics of the Duterte government.”
Ayon pa sa Amerikanong mambabatas
Dalawa sa mga Democrats na kasamahan ni Markey na sina
Patrick Leahy at Richard Durbin ay ipinagbawal din ni Pangulong Duterte na pumasok
sa Pilipinas.
Sina Durbin at Leahy ay nasa likod ng probisyon sa
United States 2020 national budget na nagbabawal sa pagpasok ng mga opisyal ng
gobyerno ng Pilipinas na may kinalaman sa pag kakakulong ni De Lima.
Sinabi din ng Pangulo na ang lahat ng American
citizens ay kailangang mag secure na ng visa kung nais pumasok ng Pilipinas,
maliban sa mga balik-bayang OFWs.
“The President is immediately ordering the Bureau of
Immigration to deny US Senators Dick Durbin and Patrick Leahy, the imperious,
uninformed, and gullible American legislators who introduced the subject
provision in the US 2020 Budget, entry to the Philippines,” ayon kay
Spokesperson Salvador Panelo sa isang press briefing noong nakaraang Linggo
Sinabi ni Panelo na hindi magsasawalang kibo ang
gobyerno ng Pilipinas kung patuloy sa pangingialam ang mga senador ng Amerika
sa pam-pulitikang desisyon ng bansa.
Samantala, Si De Lima ay naka kulong simula February
2017 dahil sa iba’t ibang kaso na may kinalaman umano sa bentahan ng ilegal na
droga.
0 Comments