Suportado ni Pangulong Rodrigo Duterte ang mga atletang
Pilipino sa darating na 2020 Tokyo Olympics at hindi na din nila kailangang alalahanin
pa ang logistics matapos mag pledge ng chief executive ng P100 milyon para sa
kanilang pagsasanay.
Ayon kay Philippine Sports Commission Chair William “Butch”
Ramirez, sinabihan umano ng Pangulo ang Philippine Amusement and Gaming Corp.
chairman / CEO na si Andrea Domingo na mag laan ng pera para sa Olympic
qualifiers.
“We have a President
who really loves our athletes. We will provide everything they need to become
successful in the Olympics,’’ ayon kay Ramirez.
Maliban kay Asian champion pole vaulter EJ Obiena at world
champion gymnast na si Carlos Edriel Yulo na kwalipikado sa Tokyo Summer Games
sa Hulyo 24-Agosto 9, may ilan pang manlalaro ang inaasahang sasali sa mga
susunod na buwan.
Ang Asian games gold medalist na si Margielyn Didal
(skateboarding), judoka Kiyomi Watanabe, at boxers Nesthy Petecio at Eumir
Marcial ay inaasahan din na lilipad patungong Tokyo.
Ang 19-taong-gulang na si Yulo, ay itinuturing na
pinakamalakas na contender ng Pilipino para makasungkit ng gintong medalya sa
Olympics.
Inaasahan niyang haharapin ang parehong mga katunggali sa
Olympics.
Samantala, ang 24-taon gulang na si Obiena ay babalik sa
Italya nang maaga sa susunod na taon upang ipagpatuloy na pagbutihin ang
kanyang laro
0 Comments