Bise President Leni Robredo (ctto) |
Desidido na si Bise Presidente Leni Robredo na ilabas sa
publiko sa susunod na Linggo ang kanyang mga natuklasan tungkol sa drug war ng
administrasyon ni Pangulong Rodrigo Duterte.
Sinabi ni Robredo ang pahayag sa isa umanong media interview
nitong Martes December 10, 2019.
Ayon kay Robredo, inaantay na lang niyang matapos ang Southeast
Asian Games 2019 na nalalapit na ring magtapos.
“Most probably Monday, ano? Monday mangyayari,” ayon kay
Robredo sa isang event sa Quezon City
Nauna nang nagbigay ng babala ang ikalawang Pangulo na
kanyang ihahayag niya sa madla ang kanyang mga natuklasan at rekomendasyon para
ma-improve ang kampanya laban sa droga ay nakapaloob sa dalawang ulat na isusumite
niya dapat sa pangulo.
“Iyong first two reports ko saka recommendations, sa kaniya
ko sina-submit. Pero sabi ni Sec. Panelo, hindi naman binasa. So iyong sa akin,
baka mas mabuti, public, para for whatever it is worth, ma-consider,” ani
Robredo sa kanyang programa sa radio noong isang Linggo
Kung matatandaan ay hinamon din ni Pangulong Duterte si
Robredo kamakailan na ibahagi ang kanyang natuklasan tungkol sa giyera laban sa
droga.
Sinabihan din ng
Pangulo ang Bise President na ginawa niyang "assh * le" ng kanyang
sarili sa 19 na araw na siya ang naging bahagi ng ICAD.
Source: Politiko
0 Comments