 |
| Nanay Eunice/photo courtesy of Facebook |
Isang nakaka-inspire na kwento ang ibinahagi ng isang
kunduktora ng bus kung papaano nya naitaguyod ang mga anak.
Ayon sa salaysay ni nanay Eunice, sya ay nagsimulang
magtrabaho bilang kunduktora ng bus mula pa lamang sya ay 19 years old pa
lamang.
Dito na rin sya nagka-asawa at hanggang sa nagkaroon sila ng
pitong anak. Walang trabaho ang kanyang mister, kaya naman ito ang nagsilbing
taga pag-alaga ng kanilang mga anak.
Kwento pa ni nanay Eunice, napagtapos na nya ang kanyang
panganay na anak sa University of the Philippines sa Diliman.
Sobrang kagalakan ang naramdaman ni nanay Eunice, dahil di
lamang basta naka-graduate sa UP Diliman ang panganay, sa kursong Bachelor of
Arts major in History.
Ayon sa video na pinost ng TV at radio anchor na si Julius
Babao, nabigyan din ng latin honors ang panganay ni Eunice nang grumaduate ito.
“Para akong nanalo sa
lotto kahit na wala akong pera. Ang mahalaga, si Raymond, nakatapos,”
masayang pahayag ni nanay Eunice.
Sa tagal na ni nanay Eunic sa pagiging isang kundoktor, ibinahagi
rin niya ang mga kapahamakan na dulot ng kanyang trabaho.
Ayon kay nanay Eunice, ilang beses na umano sila nabiktima
ng mga masasamang elemento sa kanilang pamamasada sa bus. Mabuti na lang ay
ligtas pa rin sila sa awa at tulong ng Dios.
“Nagpasalamat ako. Sabi ko, ‘Lord, salamat
naman, pinakinggan mo ang dasal ko,’ kasi delikado, sir. Baka may mamatay sa
amin o ano,” sambit pa ni nanay Eunice.
Nagbigay din ng payo si nanay Eunice sa mga kapwa nya
magulang upang maging matagumpay ang pamilya.
Kahit na highschool lang ang tinapos ng inang kundoktora,
importante para sa kanya na mapagtapos ng pag-aaral ang mga anak niya.
“Magsikap sila.
Mag-aral silang mabuti. Kung maaari lang, ‘wag munang magbabarkada. I-focus
muna nila ang pag-aaral,” sabi ni nanay Eunice.
“Kasi sabi ko sa
kanila, ‘‘Pag may pinag-aralan kayo, may kinabukasan kayo. ‘Yung pinag-aralan
niyo ‘yung ‘di kaya nakawin,” dagdag pa nito.
Source: KAMI
0 Comments