 |
| photo from The Hungry Syrian Wanderer youtube channel (ctto) |
Hindi makapaniwala ang isang Pinay sa napakagandang biyayang natanggap nito mula sa kanyang napakabait na among Syrian. Dahil isang bonggang regalo nito sa kanyang kaarawan.
Mag-aanim na buwan pa lamang na naninilbihan ito sa kanyang
negosyo at nakita ng Syrian ang pagsusumikap at malasakit ng pinay na empleyado.
Marami tuloy ang nakaramdam ng inggit kay Angel, isang dating OFW sa Kuwait, dahil sa regalong kanyang natanggap mula sa among Syrian
national.
Isang vlogger ang nasabing Syrian na may Youtube name na The
Hungry Syrian Wanderer, sa kanyang Youtube channel, ibinahagi niya kung paano sinurpresa ang loyal at masipag na si Angel.
Kinasabwat pa nito ang iba pa niyang kasamahan, at kanilang pinaghandaan
ang kaarawan ni Angel.
Bukod sa supresang ginawa ng amo ni Angel, pinaka-espesyal
sa lahat ay ang regalong bahay ng amo sa kanya. Di makapaniwala sa mga
nangyayari, maluha-luha si Angel sa kanyang natanggap.
Ayon pa sa amo ni Angel, mas minabuti niyang ibigay ang
bahay kay Angel dahil mas kinakailangan niya ito.
Sa kasalukuyan, nangungupahan pa rin ang among Syrian,
ngunit di raw ito alintana sa kanya dahil mahal niya ang Pilipinas at nais niya
talagang manatili rito.
Dahil alam ng kanyang amo na dating OFW si Angel sa loob ng
dalawang taon, ayaw na niyang umalis pa muli ito upang magtrabaho sa ibang
bansa.
Bukod sa regalong bahay, balak din ng amo na bigyan si Angel
ng mga kagamitan sa bahay upang makumpleto na ang pangarap ng dating OFW.
Tunay na ang kabutihan ng isang tao ay masusuklian din ng
umaapaw na kabutihan. Gaya na lamang ng pinakitang dedikasyon sa trabaho ni
Angel na nagantimpalaan naman ng kanyang amo na may ginintuang puso.
Source: KAMI
0 Comments