 |
| Karen Davila and Senator Manny Pacquiao / compiled photo from Google (ctto) |
Nilinaw na ni Senator Manny Pacquiao na hindi siya na offend
sa pagtatanong ni Karen Davila sa isang interview kamakailan.
Mensahe at pakiusap ng boxing champ sa mga netizen at taga
suporta niya, tigilan na ang pambabatikos kay Davila.
“I was never offended by her manner of questioning. Isa po
siyang batikan sa larangan ng broadcasting…Kung may formal training sa boxing,
may formal training din sa education.” Ayon sa kanyang statement na inilabas sa
News5.
“I continue learning not only in academics but also in life.
Pakiusap ko lang po: Let us stop the hate. Magtrabaho lang po tayo para sa
kapakanan n gating bayan.” Dagdag niya.
Naging laman ng social media ang iba’t ibang batikos laban
kay Davila matapos ang isang controversial na panayam niya kay Pacquiao sa
programa ng ABS CBN Channel (ANC).
Hindi nagustuhan ng ilang netizen ang paraan umano ng
pagtatanong ng broadcaster sa senador.
Sa naturang programa ay tinanong ni Karen Davila si Manny
Pacquiao kung sang-ayon ba ito sa madalas itanong sa mga election debate
ngayon, na kailangan ang college degree sa pagkandidato.
“Palagay niyo ba kailangan ng college degree para sa isang
senador?; college degree para sa isang pangulo?; sang-ayon ka ba dun Manny?”
tanong ni Davila kay Pacman.
“Sa akin ay, sang-ayon naman ako dun…” sagot naman ni
Pacquiao
“Pero kung ganon baka hindi ka na mag qualify?” muling tanong ni Davila na agad namang
sinagot ni Pacman na nag-aaral naman umano ito.
Ikinainis din ng mga nakapanood ang ginawang di umano’y
pamimilit ni Karen Davila na sabihin ni
Pacquaio kung saan ito nag-aaral.
Source: News5
0 Comments