Lacson sa ‘bakit hindi dapat iboto’ question ni Abunda: 'that question is actually a test of his interviewee’s character'

 



Matapos sagutin ni Presidential aspirant at Senador Panfilo “Ping” Lacson ang pahayag ni Robredo na kulang umano ito sa “on-the-ground” na gawa, may sinabi naman ang senador tungkol sa tanong ni Boy Abunda na “bakit hindi dapat iboto” ang mga katunggali nito.


Sa kanyang tweet nitong Enero 27, sinabi ni Lacson na ang tanong na “Bakit hindi dapat iboto” ay isa umanong “test” sa karakter ng kanyang kinakapanayam.


“True to his form as a seasoned and sharp-witted interviewer, Boy Abunda’s “WHY NOT VOTE FOR…” question is actually a test of his interviewee’s character,” ani Lacson




Matatandaan na iisa lang ang naging tanong sa mga presidentiables na kinakapanayan ni Abunda sa kanyang ‘political fast talk’.


Nang tanungin kung bakit hindi dapat iboto sina Senador Manny Pacquiao, Vice President Leni Robredo, Manila Mayor Isko Moreno, at dating Senador Bongbong Marcos: “Kasi tumatakbo akong presidente, Boy” ang naging tugon ni Lacson


“Kasi tumatakbo ako bakit sila dapat ang iboto, kung ako ang tatanungin mo,” dagdag pa niya.


At nang tanungin si Lacson kung bakit siya ang dapat iboto bilang pangulo sa darating na halalan, ito ang kanyang sagot;


“Ako I’ll be a bit arrogant, I am the most qualified. I am the most competent. I am the most experienced,”


Sinagot din kamakailan ni Lacson ang sinabi ni Robredo na kulang siya sa “on the ground” na gawa, at aniya, hindi lang daw talaga siya epal.


“Hindi ako kulang sa ‘on the ground’. Hindi lang talaga ako ma-epal tuwing magbibigay ng tulong sa mga kalamidad man o sa mga indibidwal na tulong,” ani Lacson.

 

 

Post a Comment

0 Comments