Duterte sa mga rebeldeng NPA; hayaan ninyo ang gov’t vaccination sa malalayong lugar, pagka may sobra, ibigay sa inyo

 

Larawan mula sa Google

Sa pagtaas ng kaso ng Covid-19 sa mga lalawigan, sinabihan ni Pangulong Rodrigo Duterte ang mga rebeldeng New People's Army (NPA) na payagan ang gobyerno na magsagawa ng Covid-19 vaccination program sa malalayong komunidad na kanilang napasok.

"Pero kayo, mga NPA, ito ang utos ko sa inyo ha. Hindi ito—utos ito, ang order ko sa inyo na hayaan ninyo ‘yung gobyerno mag-implement ng itong order ko ngayon for them—for the itong mga tao diyan sa bukid-bukid na nasa baba ngayon kasi walang bahay, you allow them to go around at bakunahan ang mga tao," saad ni Duterte sa prerecorded Talk to the People na ipinalabas nitong Martes.

Sinabi ni Duterte na ang so-sobrang Covid-19 jabs ay maaaring gamitin para mabakunahan ang mga miyembro ng NPA, ang armed wing ng Communist Party of the Philippines (CPP) na nakalista bilang teroristang organisasyon ng United States, European Union, United Kingdom, Australia , Canada, New Zealand, at Pilipinas.

"Ngayon, pagka may sobra, kung may sobra lang, hindi kayo puwedeng unahin kay kalaban kayo sa gobyerno. Tingnan lang ninyo at kung may sobra, ‘di ano. Pero tawagan ninyo na muna ako na kung may sobra, ibigay ninyo sa NPA para hindi ma-Covid-19,” Ani Duterte

Nauna nang hinimok ni Duterte ang mga rebeldeng komunista na payagan ang gobyerno na mag-operate sa mga lugar na pinapasok ng NPA habang patuloy na humaharap ang bansa sa mabibigat na problema tulad ng Covid-19 pandemic at mga kalamidad.

Larawan mula sa PNA

"I am directing this [message] to the Communist Party of the Philippines. This time of our national life, we are having a serious problem. If you cannot cooperate, if you cannot help, then, maybe you can stand aside and allow the government to operate," ayon sa pangulo

Sa kanyang ulat kay Duterte, sinabi ni Health Secretary Francisco Duque III na habang nagsisimula nang bumaba ang mga kaso ng Covid-19 sa Metro Manila at mga kalapit na probinsya, nagsimula nang tumaas ang mga impeksyon sa maraming lugar partikular sa Mindanao.

“The rest of Luzon nakikita po natin dito, nag-umpisa na rin pong mag-plateau. Hopefully, ito bumaba na rin in the coming days. Pero ang inoobserbahan po nating maigi, binabantayan natin ang Visayas and Mindanao. Itong color blue line ang Visayas, tapos ito namang Mindanao ‘yung orange ay pataas po ang mga kaso. (We can see the rest of Luzon, they start to plateau. Hopefully, it will go down in the coming days. But we are carefully observing Visayas and Mindanao. Color blue line is Visayas, and Mindanao is orange that has started to increase),” ani Duque

Nitong Martes, nag-ulat ang DOH ng 17,677 bagong kaso ng Covid-19, ang pinakamababa mula noong Enero 6 nang magkaroon ng 17,220 na impeksyon ang bansa.