Matapos ang ilang linggong pananahimik matapos pumutok
ang balita na hiwalay na sila ni LJ Reyes, Paolo Contis nagsalita na.
Sa kanyang mahabang
mensahe sa Instagram, tinuldukan na ni Paolo ang mga issues na ibinabato sa
kanya. Inamin ng dating child star na siya ang nag loko ngunit tahasan naman niyang
tinanggi na sinasaktan niya si LJ at ang mga anak.
"Aaminin
ko, naging marupok at gago ako sa ilang taon naming pagsasama. I'm not proud of
it. For that, I'm sincerely sorry. I'm truly ashamed of my actions."
Samantala,
nilinaw din niya na walang kinalaman si Yen Santos – ang kanyang co-star sa "A
Faraway Land" sa hiwalayan nila ni LJ.
Larawan mula sa GMA News (ctto) | Yen Santos at Paolo Contis |
"She was
never the reason of our break up. I was. Kung matagal na kaming hindi okay ni
LJ, it was mainly because of me,"
"Masyado
niyo siyang diniin sa issue na to. Pati pag promote namin ng movie nabahiran na
ng kung anu ano." Aniya
Inamin din ng
aktor na totoong umakyat siya ng Baguio matapos umalis ni LJ patungong Amerika
kasama ang kanilang mga anak.
“When LJ left
for the States with the kids, I went to Baguio for 3 days dahil ayaw ko sa
Manila at gusto kong makapag isip isip. Naging insensitive ako about the
possible effects nung issue and I invited Yen for a day para may makausap since
malapit lang siya sa North din.”
Larawan mula sa Fashion Pulis | Paolo Contis at LJ |
“She went
there as a friend. Hindi ko naisip na madadamay siya ng ganito. I’m sorry for
this.” Dagdag pa niya
Ayon pa kay
Paolo, huwag na rin daw sanang i-bash ang kanyang ina sa Showbiz na si Lolit
Solis at si Cristy Fermin.
“Natural lang
na ipagtanggol niya ako kahit mali ako. May nanay din kayo diba? Hindi niyo
alam ang mga pagalit at pangaral niya sa akin pag kami lang ang naguusap.
Sinabihan ko na siya to stop protecting me. Ang sinabi lang niya ay HINDI, ANAK
KITA! HAYAAN MO AKO! For that, I’m sorry Nay. And thank you! Sa inyo pareho ni
Nay Cristy.” litanya ng aktor
Larawan umano ni Paolo Contis at Yen Santos sa Baguio (ctto) |
Aniya pa, umaasa
siyang balang araw ay makikita niya muli ang mga anak at makausap si LJ ng
maayos para sa mga bata, gayunpaman, nirerespeto pa rin niya na pinili ni LJ ang umalis muna ng bansa.
“Madami pang
kailangan pag usapan pero sa amin na lang ni LJ yun at sana respetuhin niyo
yun.” aniya
0 Comments