Noynoy tatanggi umano sa planong pagpupulong ni Duterte upang talakayin ang usapin sa West PH Sea


 


Hindi umano dadalo sa meeting na binabalak ni Pangulong Rodrigo Duterte si dating pangulo Noynoy Aquino upang talakayin ang mga isyu tungkol sa West Philippine Sea, ayon sa ulat ng Politiko.

Ayon sa artikulo ng Politiko, tatanggi si Aquino kung sakali man na siya ay makatanggap ng imbitasyon mula kay Duterte.

Gayunpaman, sa ngayon, ang kampo ng dating Pangulo ay wala pang natanggap na anumang komunikasyon mula sa MalacaƱang hinggil sa plano ng Pangulo.

Matatandaan na hindi rin dumalo si Aquino sa mga State of the Nation Address ng Duterte mula 2016 hanggang 2019.

Sinabi ni Presidential Spokesperson Harry Roque noong Huwebes (Mayo 20) na isinasaalang-alang ni Duterte ang isang pagpupulong sa mga dating pangulo sa halip na ipatawag ang National Security Council (NSC), tulad ng mungkahi ni dating senador at punong Armed Forces Rodolfo Biazon.

Ang NSC ay ang ahensiyang nangunguna para sa pakikipag-ugnayan ng pagbubuo ng mga patakaran, na may kaugnayan sa o may implikasyon sa pambansang seguridad, ayon na rin sa Executive Order No. 292 na nilagdaan noong 1987.

Ito ay binubuo ng Pangulo, Bise-Presidente, iba't ibang mga Sekretaryo ng Gabinete, Direktor ng Pambansang Seguridad, ang Chief of Staff ng Armed Forces, at iba pang mga opisyal ng gobyerno at mga pribadong indibidwal na maaaring italaga ng Pangulo.

Ilang ulit binigyan-diin ng pangulo na magpaliwanag sina dating Foreign Affairs Secretary na si Albert Del Rosario, at former Philippine Ambassador sa United States na si Jose Cuisia, kung bakit pinayagan umalis noon ang mga barko ng Pilipinas sa shoal sa kasagsagan ng tension sa pagitan ng Pilipinas at Tsina.

Dahil dito, hindi maiwasan na sisihin ni Duterte ang nakaraang administrasyon sa nangyari.

 

Post a Comment

0 Comments