Drilon pinamamamadali ang DPWH na tapusin agad ang Panay-Guimaras-Negros bridge: This is very frustrating

 

Larawan mula sa Manila Bulletin

Sinabi ni Senate Minority Leader Franklin Drilon ang Department of Public Works and Highway (DPWH) nitong Miyerkules na pabilisin ang pagtatayo ng panukalang Panay-Guimaras-Negros bridge.

Nagpahayag ng pagka dismaya ang senador dahil umano sa “mabagal” na pag-usad sa tulay ng PGN na magkokonekta sa tatlong pangunahing mga isla sa Kanlurang Kabisayaan.

“This is very frustrating. We have been pushing for this project – all of us, the people of Panay, Guimaras and Negros. But it is just like a business-as-usual for the DPWH,” litanya ni Drillon

“The proposed Panay-Guimaras-Negros bridge is a dream of the people of Region 6 that remains to be fulfilled. We hope to make it happen during this administration,” giit niya

Sa isang pagdinig sa Senado tungkol sa panukalang 2021 budget ng DPWH, sinabi ni Public Works Secretary Mark Villar kay Drilon na ang tulay ng PGN ay "kapaki-pakinabang na proyekto" at nanumpa siyang gagawin ang nararapat upang mapabilis ang pagtatayo.

Sinabi naman ni Undersecretary Emil Sadain na ang 32-kilometrong tulay ay kabilang pa rin sa mga prayoridad ng ahensya.

Aniya, inaasahang matatapos ang pagsusuri sa feasibility study ngayong Nobyembre.

Ang 32-km na tulay na PGN ay binubuo ng dalawang yugto: ang 13-kilometrong tulay ng Panay-Guimaras at ang 19.37-km Guimaras-Negros.

Nagsagawa umano ang Tsina ng feasibility study ngunit bumagsak sa pagpopondo sa proyekto. Kaya naman bumaling ang gobyerno sa Korean Eximbank upang tustusan ang proyekto.

Sinabi naman ni Drilon na ang Korean Eximbank ay ang parehong bangko na nagbigay ng isang pautang sa Official Development Assistance (ODA) na humigit-kumulang na $ 208 milyon para sa pagtatayo ng Jalaur River Multi-Purpose Project (JRMP).

Si Drilon ang nagtulak sa JRMP II, ang pinakamalaking solong imprastrakturang pampubliko sa kasaysayan ng Iloilo at ang pinakamalaking dam sa labas ng Luzon.

Bago magtapos ang termino ni Drilon sa 2022, nais umano niyang makita ang katuparan ng pangarap ng mga tao sa Region 6 na itayo ang tulay.