Kiko Pangilinan hinikayat ang publiko na "mag-ingay" habang SONA: Makialam tayo. Kahit online. Ilabas natin ’yung ating mga kaldero.

Larawan mula sa ABS CBN

Habang hinahatid ni Pangulong Rodrigo Duterte ang kanyang ikalimang State of the Nation Address (SONA), hinikayat ni Senador Francis "Kiko" Pangilinan ang publiko na ipahayag ang kanilang mga pagkabigo sa nakikita nilang mga pagkukulang ng administrasyon.

Kasabay ng SONA ng pangulo ay ginaganap ang isang online concert, ang mambabatas ay nanimbang sa "mga priyoridad" ng gobyerno sa gitna ng pagtaas ng mga kaso ng COVID-19, tulad ng pag-shutdown ng ABS-CBN at pag sasabatas ng Anti-Terrorism Bill.

“May paraan na tutulan ang mga nangyayari, hindi tayo dapat magwawalang kibo, hindi tayo dapat manunuod lamang,” ayon sa senador ng oposisyon

Sinabi ni Pangilinan sa mga tagapakinig na makiisa sa isang “noise barrage” na nakatakdang maganap pagkatapos ng SONA ng Pangulo.

Hinikayat din niya ang mga netizens, lalo na millennial, na magpatuloy sa "paggawa ng ingay" sa social media.

“Makialam tayo. Kahit online. Ilabas natin ’yung ating mga kaldero. Pukpukin natin tapos i-video natin. ’Yung mga millennial, i-upload natin sa social media ’yung ating pagtutol, ang ating pagkakalampag,” ayon kay Pangilinan

Kasabay ng talumpati ni Pangulong Duterte sa kanyang SONA ay ginanap ang online concern na pinamagatang “Tinig ng Bayan” kasama ang ilang mga artista at mga Original Pilipino Music (OPM) artists tulad nina: Martin Nievera, Jim Paredes and Boboy Garovillo, Noel Cabangon, Kean Cipriano, Johnoy Danao, Mylene Dizon, Enchong Dee, Agot Isidro at Iza Calzado,

Kasama din si Ria Atayde at ang League of Aktor, Odette Quesada, Celeste Legaspi, Mitch Valdes, Bituin Escalante, Bayang Barrios, The Company, Bullet Dumas, Moonstar 88, True Faith, Baihana, Toma Cayabyab, Arman Ferrer and Jesuit Music Ministry, at iba pa.

Ang League of Aktor ay kinabibilangan ng mga artista tulad nina Agot at Iza, ito ang grupong pinangunahan ni Dingdong Dantes na magiging boses umano ng industriyang kanilang kinabibilangan.

Itinatag umano ang Aktor upang magbigay ng boses sa mga isyu na nagbabanta sa kalayaan ng mga artista sa pagpapahayag bilang mga tagalikha ng nilalaman.