9-taong gulang na positibo sa COVID-19 sa Cebu, umiiyak habang nagdarasal na makaligtas sa virus: "Panginoong Hesukristo, gagaling ako rito para makalabas ako"

Kuha mula sa GMA News Online 

Isang 9-taong gulang na batang lalaki na nag positibo sa COVID-19 ang nagpa antig sa puso ng mga netizen matapos nitong ma feature sa programang Kapuso Mo, Jessica Soho nitong Linggo.

Ayon pa sa programa, si Gabriel (hindi niya tunay na pangalan), ay naka isolate sa kanyang pamilya kasama ang mga pasyente ng COVID-19.

Kahit na nakakausap ni Gabriel ang kanyang pamilya sa pamamagitan ng tawag at text, namimiss pa rin sila ng bata.

“Sobrang sakit, ni hindi mo man siya mayakap, hindi mo siya mahalikan, hindi mo siya makatabi dahil malayo siya." Ayon sa pagbabahagi ng ina ani Gabriel.

Nag simula umanong ma-isolate si Gabriel noong April matapos makaramdam ng lagnat at pagdudugo ng ilong.

“Mas okay pa na sa akin na lang dumapo ang sakit kaysa sa aking anak ang makaranas kasi ang bata pa niya," ayon naman sa kanyang ama

Ayon pa sa lolo ng bata, mapag basa din umano ito ng Bibliya pagka uwi galing sa paaralan.

Binahagi naman ni Gabriel na siya ay nagdarasal kasama ang kanyang pinsan bago matulog sa gabi.

“Hindi Siya nagpapakita. Babantayan lang Niya ako kung may virus. ‘Yung aming pagsamba aalis ang demonyo at ang virus. Siya ang aking lakas ." Ayon pa sa 9-taong gulang na bata.

Sa isang video na nagviral na inupload ng kapitbahay ni Gabriel, na isa ring pasyente dahil sa COVID-19, makikita na nagdarasal ang bata habang nakaluhod.

“Marami kaming umiiyak nakatingin sa kanya. Naawa kasi lumuhod siya, tapos kumakaway ang kamay niya, tapos kumakanta, umiiyak” ayon sa caption ni Lea.

"Panginoong Hesukristo, gagaling ako rito para makalabas ako” panalangin ni Gabriel

Matapos mapanood ng marami ang nakaka antig na video na ito ni Gabriel, dumagsa rin ang tulong para sa kanyang pamilya.