Dagdag lakas! PNP procures about P3B worth of equipment

Mga larawan mula sa Inquirer

Umabot ng halos P3 bilyon na halaga ng kagamitan pang pulisya, kabilang ang mga bagong helikopter, baril, truck, at mga bomb equipment ang inilabas para magamit ng mga kapulisan.

Ayon sa ulat ng Inquirer, nag daos ng blessing ang Philippine National Police (PNP) para sa mga bagong kagamitan nitong Lunes sa loob ng Camp Crame.

Kabilang sa mga bagong biling equipment ay dalawang single-engine turbine choppers na nagkakahalaga ng P225 milyon mula sa Airbus; 31 units ng truck na maghahakot ng tropa na nagkakahalaga ng P3.1 milyon.

Kasama din dito ay 12 unit ng mga pick up type na sasakyan na nagkakahalaga ng P1.6 milyon; at 501 na unit ng battle helmet na nagkakahalaga ng P32 milyon.

Ang mga trucks ay na-procure ng Special Action Force (SAF), samantala, ang mga pick-up naman ay ilalagay sa Misamis Oriental Police Provincial Office, ayon sa ulat.

Dagdag pa umano ni PNP na si Gen. Archie Gamboa, mayroon nang pitong helicopter ang PNP, dalawa dito ay ipapadala sa Kabisayaan at Mindanao bawat isa, at ang natitira ay ilalagay sa National Headquarters.

Tiniyak din ng opisyal na dumaan sa tamang proseso ng bidding ang procurement ng mga naturang kagamitan.

“It has been the assurance of the committee of inspection and acceptance na dapat sumusunod sa parameters during acceptance process to see to it na may compliance sa standards,” aniya