Inang dating binubugbog ng asawa, naglahad ng kanyang nakaka-inspire na kwento




Compiled photo courtesy of Facebook and KAMI


Isang OFW ang nagkwento ng kanyang masalimuot na buhay noon sa piling ng kanyang dating asawa. Marami ang humanga sa kanyang katatagan sa gitna ng kanyang mga pinagdaanan.

Nagbahagi ng kwento ng kanyang buhay ang isang OFW, na kinilalang si Michelle Valenzuela, ang kanyang tila mala-impyernong buhay sa piling ng kanyang dating mister.



Sa kabila ng mga hirap at pasakit sa kanya ay buong tapang nyang ibinahagi ito na talaga namang nakakabilib dahil sa kanyang determinasyon sa buhay.

Sa isang litratong ibinahagi nya sa social media, kung saan kasama niya ang kanyang anim na anak, marami ang hindi makapaniwala dahil napakalayo ang kanyang itsura sa kanyang kasalukuyang litrato.

Kwento pa ni Michelle, hindi na niya maasikaso ang kanyang sarili dahil hindi na sya magkanda-kumahog pag-aalaga sa kanilang anim na anak. Sa kabila nito ay naatim pa ng kanyang mister na magbisyo.



At bukod pa sa pagiging lasinggero ay sinasaktan pa siya nito at nagdadala pa ng babae sa kanilang tahanan. Di kalaunan, ay pinalayas na sila nito.

Kaya naman nagpasya syang lumayas na lang at bumalik sa kanyang ina kasama ang kanyang anim na anak.

Kinalaunan ay nagpasya siyang makipagsapalaran sa ibang bansa. Hiwalay man sa kanyang asawa, kinaya niyang itaguyod ang kanyang mga anak sa tulong ng kanyang magulang.



Ayon pa kay Michelle, Hindi din naging madali ang kanyang pangingibang bansa.  Kahit hindi makatao ang naging pagtrato sa kanya ng kanyang amo. Patuloy lang siyang nagtrabaho at nagdadasal alang-alang sa mga anak.

Di kalaunan, dahil sa kanyang pagtitiyaga sa kanyang trabaho, minahal sya ng kanyang mga amo. At sila pa mismo ang nagpapadala ng libreng package ang mga anak ni Michelle taon-taon.

Makalipas ang ang pitong taon, masasabi nyang naka move-on na sya  at malapit na nyang makapiling ang mga anak.

Samantala, hiwalay na ang kanyang asawa at ang kabit nito. Hinding hindi na daw nya babalikan ang kanyang dating asawa kahit magmakaawa pa ito.


Mensahe ni Michelle sa mga kalalakihan, aniya, “Kaya mga boys, kung mahal nyo ang inyong mga asawa, huwag nyo kami ipagpalit sa iba, dahil nagbabago kami, at who you na lang kayo!”



Source: KAMI



-
-



Post a Comment

0 Comments