Taxi na may sakay na pasyenteng isusugod sa ospital, hinarang at 'di pinalusot ng traffic enforcer


Photo courtesy of Facebook/GMA News



Viral ngayon sa social media ang isang video ng traffic enforcer na nakikipagtalo sa isang taxi driver na magsusugod sana ng pasyente sa ospital na kanyang hinarang dahil umano sa traffic violation.

Ayon sa balita ng GMA News, hinarang ng traffic enforcer ang nasabing taxi matapos itong mag-u turn sa hindi tamang lugar para mag-u turn.



Bagaman nagpaliwanag naman ng taxi driver sa nagawa, anito ginawa lang daw niya iyon para agad na makuha ang pasyente at maisugod sa ospital.

Kwento naman ng uploader, tumawag sila ng ambulansiya para sa kanyang amang pasyente upang maisugod ito sa ospital ngunit hindi naman dumating kaya tumawag na lang sila ng taxi.

Mapapanood sa video kung paano hirap huminga ang pasyente, at nangangailangan na nang agarang atensyong medical.



Subalit sa halip na palusutin ng traffic enforcer ng taxi dahil sa ito ay emergency case, tumawag na lang ng isa pang ambulansiya ang enforcer na siyang nagdala sa pasyente sa ospital.

Ngunit umabot pa ng halos isang oras ang pakikipagtalo ng enforcer sa taxi driver at sa uploader bago naisugod sa ospital ang kawawang pasyente.

Napag-alaman na pagkalipas lang ang ilang araw matapos ang insidente ay pumanaw na ang pasyente.

Panoorin ng actual na balita ng GMA News:






Source: KAMI

Post a Comment

0 Comments