 |
| Lito Lapid /photo from Instagram |
Isa sa namayagpag sa halalan 2019 ng pagka senador ay si
Probinsyano star Lito Lapid na pumasok sa ika pitong pwesto.
Sa kanyang pagka panalo, nagpaabot din siya ng pasasalamat
sa mga sumuporta sa kanyang kandidatura, maging sa mga bumabatikos sa pagpasok
niya sa Magic 12.
“Nababalitaan ko lang. Bahala na sila doon. Salamat na lang.
At least napapansin niyo ako masama man o mabuti," ang sabi umano ni
Lapid, ayon sa ulat ng ABS CBN
Si Lapid ay nakatanggap ng 16, 762, 074 boto base sa 97.36%
ng election results mula sa mga clustered precincts nitong Huwebes ng umaga.
Apila ni Lapid sa publiko, huwag sanangmaliitin ang kanyang
kakayanan bilang isang isang pulitiko, na naging senador na ng dalawang termino
noong 2004 at 2016.
Siya din ang naging gobernador ng Pampanga bago naging
mambabatas.
Ayon pa kay Lapid ay may mga nakahanda na din siyang
panukalang batas na kanyang isusulong pagpasok muli sa Senado.
"Yung free legal assistance, ito naman, free medical
naman," ani Lapid.
Ipagpapatuloy din umano niya ang mga naisumite na niyang
batas.
Source: ABS CBN
0 Comments